E3 2010

Elecronic Entertainment Expo 2010
Жил болгон нээгддэг томоохон энтертайнмент шоу болох E3 амжилттай болж өнгөрлөө.2010-оны 6сарын 14-16ны хооронд Los-Angeles- хотын Convention center-т болсон бөгөөд хэдийгээр дэлхийн хөл бөмбөгийн аварга шалгаруулах тэмцээнтэй давхацсан боловч урьд өмнөх жилүүдийн шоунаас илүү өргөн дэлгэр болжээ.Энэ үзэсгэлэнд дэлхийн 90 гаруй орноос 45000 гаруй үзэгч хүрэлцэн ирсэн байна.

Convention center
Энэ жилийн шоу үзэсгэлэнд олон шинэлэг зүйл танилцуулагдсан юм.Шинэ үеийн консол үйлдвэрлэгчид болох Microsoft,Nintendo,Sony болон тоглоом үйлдвэрлэгч EA,Ubisoft нар шинэ хийж буй тоглоом ,технологио танилцуулах өдөрлөг зохиолоо.Эхний өдөр буюу 14-ны өдөр Microsoft-ын танилцуулга шоугаар арга хэмжээ эхэлсэн.

Microsoft Press Conference
Энэ удаа Microsoft өөрийн үндсэн консол болох Xbox360-даа зориулж олон шинэ зүйлс сонирхууллаа.Эхний зүйл нь Xbox360-ын шинэ хувилбар(Xbox360 slim) бөгөөд энэ хувилбар өмнөх хувилбараасаа олон давуу талтай болсон.
Нэрнээс нь харахад уг загвар нь анхны Хbox360-уудаас жижиг бөгөөд өмнөхөөсөө бага халдаг 45нанометрээр хийсэн CPU-тай юм байна. Мөн Wi-Fi-тай бөгөөд 250gb-ын хардтай болсон байна.Зах зээлд 299$-өөр зарагдах болно гэж танилцуулжээ.


Шинэ Xbox360 Slim хар өнгөтэй,хуучин Xbox360 цагаан өнгөтэй
Одоогоор зарагдаж байгаа Xbox360-уудыг дахиж үйлдвэрлэхгүй бөгөөд дэлгүүрт байгаa хувилбаруудаа 150$-оор зарах юм байна.Шинэ үеийн консолууд ингэж хямдарч байгаа нь хэрэглэгчдэд сайхан боломж олгож байгаа юм.Microsoft-ын танилцуулсан өөр томоохон surprise бол Kinect юм.
Өнгөрсөн жилийн шоугаар Project Natal гэгдэж байсан төсөл энэ жил шинэ нэртэй болоод амилж байгаа юм байна.
Энэ нь юу гэвэл та ямарч удирдах хэрэгсэл(controller) ашиглахгүйгээр тоглох боломжтой боллоо гэсэн үг.Kinect нь тоглогчийн хөдөлгөөнийг мэдрэх үүрэгтэй өндөр нарийвчлалтай камертай бөгөөд тухайн камераар ирж байгаа өгөгдлийг боловсруулж Xbox360-д дамжуулна.Үүнийг хэрэглэхийн тулд танд зөвхөн Xbox360 байхад л хангалттай юм.Шинэ,хуучин бүх Xbox360 энэхүү технологийг дэмжинэ.Тэгэхлээр энэ технологийг амтлахийн тулд шинэ Xbox360 худалдаж авах шаардлагагүй юм.


Kinect
Та Xbox360-даа Kinect-ыг холбосон бол таны хэлсэн тушаалыг ойлгож ,гүйцэтгэх дуу хоолой таних систем ажиллаж эхлэнэ.Та Xbox360-ынхаа Menu-г удирдахдаа controller ашиглах хэрэггүй боллоо.

Зүүн талд тоглогч Фитнесс дасгал хийж байгааг ,баруун талд дэлгэцэнд хүлээж авч байгаа нь

Мөн Kinect-ыг дэмжиж ажиллах 15 тоглоом одоогоор хөгжүүлэгдэж байгаа юм байна.Эдгээрээс дурдвал:Kinect Sports, Kinect Adventures, Kinect Joy Ride, Dance Central, Your Shape Fitness Evolved бас Kinectimals.Хамгийн сонирхол татаж байгаа нь Kinectimals юм.Энэ нь виртуаль амьтан бөгөөд та болон таны хүүхэд тухайн амьтантай шууд хөдөлгөөнөөрөө харьцаж ярьж болно.Тухайн виртуаль амьтад нь тодорхой хэмжээний хиймэл оюун ухаантай бөгөөд таны хэлсэн үгэнд өөрийн үйлдлээр хариу үзүүлнэ.Хиймэл оюун бол компьютерийн шинжлэх ухааны томоохон,бас хүнд салбаруудын нэг юм.Үүнийг Microsoft тоглоомонд оруулж өгснөөр өөрсдийн түвшнээ харуулж чадлаа.
Kinect албан ёсоор 2010 оны 11 сард нээлтээ хийнэ.
Шоуны үеэр алдарт Halo-ын шинэ хувилбар танилцуулагдсан юм.Өмнөх ангиудтайгаа холбогдсон түүхтэй, тоглолт нь хуучны Halo-гийн хэв маягийг хадгалсан.4хүн хамтарч даалгавар биелүүлэх боломжтой,олон тоглогчийн горимд олон зүйлс нэмэгдсэн юм байна.Гарах товоо 2010-оны 9сарын 14нд гэж зарласан байна.
-
Бас Microsoft-ын танилцуулга үйл ажиллагаанд сонирхол татсан тоглоом бол
Gears of War 3 байлаа.4 тоглогч хамтарч үе давж тоглох боломжтой болсон бөгөөд шоуны үеэр шууд үзүүлсэн билээ.Мөн зохиол нь цаашаа үргэлжилж байгаа юм байна.Шинээр олон олон дайсан,мангасууд нэмэгдсэн гэнэ.
Gears of War 3
Өөр нэгэн сонирхолтой тоглоом танилцуулагдсан нь Call of Duty: Black Ops байлаа.Хөгжүүлэгчээр Treyarch студи ажиллаж байгаа бөгөөд үйл явдал нь хүйтэнд дайны үед болох юм байна.

Одоо үүнээс хойш call of duty цувралыг Treyarch студи хөгжүүлэх бөгөөд өмнө нь хөгжүүлж байсан Infinity ward студи дахиж хийхгүй юм байна.Энэ анги дээр шинээр машин,техник унаж дураараа явж болдог болсон байна.Мөн Xbox-дээр хамгийн түрүүнд гарах бөгөөд шинэ map,content-ууд бас xbox live сүлжээнд тавигдаж байх гэнэ.

Энэ удаагийн арга хэмжээнд танилцуулагдсан нэгэн сонирхолтой ,хүлээлт ихтэй байгаа тоглоом бол Kojima’s Metal Gear Solid Rising байлаа.Энэ анги нь Xbox360,Ps3,PC-нд зориулагдан хөгжүүлэгдэж байгаа бөгөөд танилцуулах арга хэмжээний үеэр trailer болон gameplay нь гарсан юм.Үндсэн зохиол нь Metal Gear Solid 2 болон Metal Gear Solid 4-ын хооронд болох бөгөөд өмнөх цувралуудаасаа илүү action gameplay-тай харагдаж байлаа.Энэ тоглоомд цувралын гол дүрүүдын нэг болох Raiden –аар тоглоно.
Тоглоомд бүх зүйлийг зүсэх боломжтой бөгөөд хаагуур ,яаж зүсэх,огтлохыг тоглогч өөрөө нарийвчлалтайгаар зааж өгөх юм байна.

Nintendo Press Conference
Экспогийн 2 дахь өдөр буюу 6 сарын 15-ны үдээс өмнө.
Шинэ үеийн консолын зах зээлд өөрийн Nintendo Wii консол болон алганы консол Nintendo DS-ээрээ байр сууриа олоод байгаа Nintendo корпорацийн танилцуулах арга хэмжээ үргэлж сонирхолтой байдаг билээ.Тэд бахархалтайгаар өөрийн Wii консолио 70сая ширхэг,алганы консол DS-ээ 128сая ширхэг зарагдсаныг зарласан юм.
Шинэ Legend of Zelda –ын танилцуулга болон demo тоглолтоор арга хэмжээ эхэлсэн бөгөөд алдарт Mario болон Zelda-гийн цувралыг хөгжүүлэгч Шигерү Мияамото өөрийн биеэр гарч ирж тоглоомыг танилцууллаа.

Энэ тоглоомын гол онцлог нь Nintendo Wii-ын алсын удирдлагаар тоглох боломжтой бөгөөд бас шинэлэг зохиолтой болсноороо онцлог байлаа.
Legend of Zelda: Skyward Sword хэмээх энэхүү тоглоом нь ирэх жил нээлтээ хийнэ гэж Шигерү Мияамото хэлсэн юм.
Дараагийн танилцуулсан тоглоом бол Mario Sport Mix байлаа.Энэ тоглоомд Mario болон Nintendo-ын баатруудаар спортын тоглоом тоглох ба хоккеи,теннис,сагсан бөгбөг зэрэг спортуудаас сонгож тоглон.Мөн ирэх жил нээлтээ хийх юм байна.
Томоохон тоглоом хөгжүүлэгчдийн нэг болох Ubisoft нь Nintendo Wii-д зориулж Just Dance тоглоомныхоо 2 дахь цувралаа гаргахаа танилцуулсан юм.Энэ тоглоомыг тоглохдоо тоглогч алсын удирдлагаар тоглоомоо удирдангаа өөрөө дагаж бүжиглэх юм.Шинэ ангид 8хүртэлх тоглогч нэгэн зэрэг тоглох боломжтой гэнэ.


Үүний дараа маш сонирхолтой танилцуулга болсон нь Nintendo 64 консол дээр гарч амжилт олж байсан Жеимс Бонд 007 “Алтан Нүд” тоглоомын дахин шинэчилсэн хувилбар Wii дээр гарах тухай танилцуулга кино байсан юм.Энэ тоглоомны анхны хувилбарыг монголд ч гэсэн олон хүмүүс мэддэг билээ.Хөгжүүлэгчээр Activision ажиллаж байгаа ба энэ оны 11-сард гарах юм байна.
Nintendo Disney-тэй хамтарч ажиллаж байгаа бөгөөд Mickey Mouse-ын шинэ адал явдалт тоглоомын танилцуулгаа үзүүлсэн юм.Тоглоом нь 3-р биеэр харж тоглох бөгөөд гол дүр нь алдарт Mickey Mouse байна.Энэ тоглоомд Disney-гийн олон олон хүүхэлдэйн киноны баатрууд амилах юм байна.Тоглоомын нэр нь “Epic Mickey”.

Disney’s Epic Mickey

Энэ мэтээр олон олон тоглоомууд танилцуулагдсаныг товчхон дурдвал:Kirby’s Epic yarn,Dragon Quest 9: Sentinels of the Starry Skies-зөвхөн японд нээлтээ хийгээд байгаа бөгөөд японд 4.2сая хувь зарагдсан байна.Ирэх сард америк болон олон улсад зарагдна,Metroid: Other M,Donkey Kong Country Returns..

Одоо танилцуулга арга хэмжээны гол үйл явдал буюу 3 хэмжээст алганы консолийн талаар дэлгэрэнгүй үзье.Nintendo танилцуулгынхаа эхэнд: “3 хэмжээст график хаа сайгүй нэвтэрч байна.Өнгөрсөн жилүүдэд хүмүүс 3 хэмжээст кино үзэхдээ нүдний шил зүүдэг байсан,өнгөрсөн жилүүдэд олон кино 3 хэмжээсээр гарлаа.3 хэмжээсээр хийгдсэн тоглоомууд ч гарсан.Гэвч тэдгээр 3 хэмжээст үзвэрийг хүлээж авахад нүдний шил зайлшгүй шаардлагатай байдаг байсан.Тэгвэл бид хамгийн анхны бодит 3 хэмжээсээр тоглох алганы консол хийсэн бөгөөд түүнийг хүлээж авахын тулд ямарч нүдний шил хэрэггүй”.

Ингээд “Nintendo 3Ds”-ыг танилцуулсан юм.

Nintendo ерөнхийлөгч Сатору Ивата
Энэ консолын үндсэн хэлбэр нь Nintendo Ds-тэй төстэй ба харин дээд дэлгэц нь 3.5 инч өргөн дэлгэц байх юм байна.Доод дэлгэц нь мэдрэгчтэй бөгөөд мөн 3 хэмжээст камертай анхны консол болж байна.3 хэмжээсээр авсан фото зургаа консол дээрээ шууд бодит 3 хэмжээсээр үзэж болно.Мөн энэ консолоор бодит 3 хэмжээст кинонууд үзэж болох бөгөөд Nintendo холливудын томоохон студиуд болох Dreamworks,Warner Bros,Disney-тай хамтарч ажиллах юм байна.
Nintendo 3Ds

Энэхүү 3 хэмжээст алганы консолд зориулан олон томоохон тоглоом хөгжүүлэгчид тоглоом хийж байгаа бөгөөд тэдгээр хөгжүүлэгчдийг нэрлэвэл:EA, Activision, Atlus, Harmonix, Sega, T2, Ubisoft, Konami, бас Capcom.Хийгдэж байгаа тоглоомууд гэвэл:Kingdom Hearts 3D, Saints Row, EA’s Madden бас FIFA Soccer, Ninja Gaiden, Resident Evil, Batman, Assassin’s Creed Legacy, Ridge Racer, мөн Metal Gear Solid.
Танилцуулга арга хэмжээний төгсгөлд энэхүү консолыг барьсан 100 бүсгүй үзэгчдэд сонирхуулхаар тайзан дээр гарч ирлээ.

Sony Press Conference
Экспогийн 2 дахь өдөр буюу 6 сарын 15-ны үдээс хойш.
Sony өнгөрсөн жил гарсан God of War, Heavy Rain, Little Big Planet, SOCOM зэрэг амжилттай болсон тоглоомуудын талаар эргэн дурдлаа.Энэ жил ч гэсэн эдгээр тоглоомууд шиг сайн тоглоомууд зөндөө байх болно гэж амлав.Тэгэхдээ энэ жил олон тоглоомууд бодит 3 хэмжээсээр гарах бөгөөд Playstation 3-тай хүмүүс эдгээр бодит 3 хэмжээст тоглоом тоглох боломжтой юм байна.Одоогоор зах зээл дээр Sony Bravia-гийн бодит 3 хэмжээст тв-нүүд амжилттай зарагдаж байгаа бөгөөд 35 сая бодит 3 хэмжээст тоглоом дэмжих Playstation 3 үйлдвэрлэгдээд байгааг дурдав.
Эхний танилцуулга тоглоом бол Killzone 3 байлаа.Энэ тоглоомны 2-р анги амжилттай болсон бөгөөд шинэ анги нь бодит 3 хэмжээсээр гарах юм байна.Том талбайд тоглох боломжтой бөгөөд олон олон шинэлэг тоглолтууд гаргаж болно.Бас нэмэгдсэн зүйл нь энэ тоглоомыг Playstation Move-ээр удирдаж болно.




Mortal Kombat, Tron: Evolution, NBA 2K11,Motorzone Apocalypse, Killzone 3, Gran Turismo 5 эдгээр тоглоомууд бодит 3 хэмжээсээр гарах болно.
Playstation Move-ын талаар одоо үзье.Энэ нь Sony-гоос хөгжүүлж байгаа утасгүй хөдөлгөөн мэдрэгч бөгөөд дотроо 3 мэдрэгч бүхий удирдлага байна.Энэ удирдлагаар түлхэх, эргүүлэх,татах зэрэг үйлдлийг хийх боломжтой юм.Энэ удирдлага нь хосоороо байвал боломжууд нь улам нэмэгдэх бөгөөд олон зүйл хийх боломжтой болно.

Playstation Move

Тэдний гол өрсөлдөгч болох Xbox Kinect-ээс ялгаатай нь Kinect ямарч удирдах товчлуургүй болсноороо зарим талаар учир дутагдалтай бол Playstation Мove нь удирдах товчлууртай байгаагаараа илүү гэж тайлбарлав.
Playstation Мove 9 сард худалдаанд гарах бөгөөд 49.99$ үнэтэй удирдлага,харин удирдлага+ спорт тоглоом нь 100$ үнэтэй байх юм байна.



Дараагийн танилцуулга бол Playstation Portable дээр гарах тоглоомуудын талаар байлаа.Үүнд:God of War: Ghost of Sparta,Tron Evolution, Toy Story 3, the 3rd Birthday, UFC Unleashed 2010,Madden NFL 11, Patapon 3, Fat Princess: Fistfull of Cake, EyePet, Piyiotama, Kingdom Hearts: Birth by Sleep, Valkyria II Chronicles.Энэ жилийн 12 сар хүртэл PSP дээр 70 гаруй тоглоом гарах юм байна.
Үүний дараа Sony-гийн сонирхуулсан зүйл бол Playstation Home.Home бол 3 хэмжээст нийгмийн харилцааны програм бөгөөд Playstation 3 тай хэн бүхэн үнэгүй холбогдож 100гаруй үнэгүй тоглоом тоглож, мөн хоорондоо харилцаж болно.Одоогоор Playstation Network-д 50сая бүртгэлтэй account байгаа юм байна.Одоо Playstation 3 дээр хийгдэж байгаа шинэ тоглоомуудын талаар товчхон сонирхоё.
EA-аас шинэ Medal Of Honor-ыг хөгжүүлж байгаа юм байна. Medal Of Honor-ын өмнөх ангиуд дээр дэлхийн 2-р дайн харуулдаг байсан бол энэ удаа орчин үед ирж байгаа бөгөөд үйл явдал Афганистанд болох юм байна.Нэг тоглогчын горимийг EA-Los Angeles хариуцаж байгаа бол олон тоглогчийн горимийг Dice хөгжүүлж байгаа гэнэ.Dice-ыг сайн санахгүй байгаа бол энэ студи нь Battlefield цувралаараа алдартай билээ.Мөн EA-аас хөгжүүлж байгаа өөр нэгэн сонирхолтой тоглоом бол Dead Space 2 байлаа.Сансрын аймшгийн тоглоомнуудаас хамгийн шилдэг нь болох тоглоомны шинэ анги нь Playstation Move -ыг дэмжиж ажиллах юм байна.
Dead Space 2

Сонирхолтой Puzzle тоглоом болох Portal 2 ирэх 2011онд Ps3 -дээр гарах гэнэ.Ubisoft-оос Assassin's Creed: Brotherhood гаргах бөгөөд Ps3-т зориулсан нэмэлт үеүүдтэй байх бололтой.Assassin's Creed: Brotherhood нь 11сарын 16нд нээлтээ хийнэ.Шинэ гарах тоглоомуудыг дурдая:SOCOM 4, Killzone 3, Medal of Honor, Dead Space 2, Mafia II, Madden NFL 11, NBA 2K 11, Tiger Woods PGA Tour 11, Sports Champions, The Fight: Lights Out, NCAA Football 11, EyePet. And...Start the Party, Little Big Planet 2, The Shoot, Echochrome II, Heroes on the Move, Gran Turismo 5, ModNation Racers, Motor Storm Apocalypse, True Crime, Marvel vs. Capcom 3: Fate of Two Worlds, Mortal Kombat, Castlevania: Lords of Shadow, Dead Nation, Sorcery, DC Universe Online, The Sly Collection, Tron: Evolution, Final Fantasy XIV Online.


Төгсгөлд нь Sony-гийн барьсан хамгийн том гэнэтийн бэлэг бол Twisted Metal байлаа.Playstation-ы алдарт автомашины тулаан эргэн ирж байгаа юм байна.Бүхэлдээ 3 хэмжээсээр амьсгалсан Playstation Move-тэй Sony-гийн танилцуулга өдөрлөг урам хугалсангүй ээ.
Twisted Metal
Бусад арга хэмжээ
EA press conference
Need for Speed эргэн ирлээ.Энэ удаа цагдаа нартай муур хулгана болж хөөцөлдөх адал явдалтай ирж байна.Энэ бол Need For Speed: Hot Pursuit юм.Тоглоом маань график дүрслэл,тоглолт,дуу зэрэг бүх зүйлээ шинэчилж ирж байгаа юм байна.Xbox 360 дээр гарах хувилбар нь Xbox Kinect-ыг дэмжиж ажиллана.
Need For Speed: Hot Pursuit
Мэдээж олон платформ дээр гарна.PC,Xbox360 ,Ps3,Wii гэх мэт..
Дараагийн танилцуулсан тоглоом бол Medal Of Honor байсан бөгөөд танилцуулгын үеэр 18 тоглогч тайзан дээр гарч ирж хоорондоо ширүүхэн тоглолт үзүүллээ.
Medal of honor multiplayer
Ер нь энэ удаагийн Medal of honor нь өөрийн томоохон өрсөлдөгч болох Call of Duty-тэй энэ зэрэгцэх,бүр илүү гарах боломжтой байгаа нь харагдаж байлаа.
Мөн EA-аас гаргадаг томоохон тоглоом болох Crysis 2 –ын танилцуулга трайлер гарлаа.
Энэ тоглоом бодит 3 хэмжээст тоглолтыг дэмжих юм байна. Crysis 2
Энэ анги дээрээ үйл явдал хот дотор өрнөх бөгөөд ,дайсны цэргүүд болон харийнхантай үзэлцэж хотын иргэдийг хамгаалан тулалдах юм байна.
Madden NFL 11
Энэ тоглоомны шинэ анги энэ жил гарах бөгөөд график дүрслэлт ,тоглолт гэх зэрэг олон зүйлсээ сайжруулжээ.

Madden NFL 11
Бусад танилцуулгуудыг товчхон дурдвал:
Dead Space 2, Battlefield Bad Company 2: Vietnam, Star Wars: The Old Republic,BulletStorm,Sims3(консолд зориулсан хувилбар) зэрэг байлаа.
Ubisoft press conference
Эхний танилцуулга бол Assassin's Creed: Brotherhood байлаа.Энэ анги дээр зохиол цаашаа үргэлжлэх бөгөөд үйл явдал ром хотод болно.Хамгийн сонирхол татаж байгаа зүйл нь олон тоглогчын горим юм.Та энэг горимоор хот дотор байгаа бусад тоглогчийг олж устгах ёстой.Бусад тоглогч нар ч гэсэн таныг хайж,агнахаар явж байгаа.Харин тоглогч нарын хувцас нь хот дотор явж байгаа энгийн иргэдээс их ялгарах зүйлгүй байна.Та хэн нэгнийг хараандаа аваад явж байхад таны араас бас нэг нь дагаж байж магадгүй л юм.
Дараагийн танилцуулга бол Ubisoft's Shaun White Skateboarding байлаа.Энэ тоглоомд нарийн деталчилсан график нь тоглогчийн хөдөлгөөнтэй сайн уялдаж байлаа.Хүрээлэн байгаа орчин нь тоглогчоос шууд хамаарч хариу үзүүлж байлаа.

Driver San Francisco энэ бол Ubisoft-ын танилцуулсан дараагийн тоглоом байлаа.Алдарт цуврал үргэлжлэлийн анги.Үндсэндээ виртуал Сан Франциско хотоор явж хууль ёсны болон хууль бус даалгавар биелүүлэх болно.Ойролцоогоор 200миль замтай хотоор явах бөгөөд хамгийн том тоглогдох талбайтай тоглоом гэж Ubisoft хэлсэн байна.

Мөн энэ тоглоомд ойролцоогоор 100 орчим машин байх ба бүгд одоо байдаг бодит машинууд юм байна.Мөн машины эвдрэл,гэмтлийг өндөр нарийвчлалтай тооцох юм байна.
Одоо танилцуулах тоглоом бол Tom Clancy's Ghost Recon: Future Soldier юм.Тоглоомын үйл явдал ойрын ирээдүйд болох бөгөөд Ghost recon-ы баг орчин үеийн технологиор өвч зэвсэглэсэн байна.Тоглолтын шинэлэг элементүүд нэмэгдсэн гэнэ.Мөн 4 хүн хамтарч даалгавар биелүүлж болох юм байна.Тоглоом бодит 3 хэмжээсээр тоглох боломжтой.Энэ тоглоом 2011 оны хавар нээлтээ хийнэ.

Дүгнэлт
Энэ жилийн E3-аар нийт 816 тоглоом танилцуулагдсан бөгөөд тэдгээрээс онцолж товчхон дурдвал: Starcraft II: Wings of Liberty, Deus Ex: Human Revolution, Bulletstorm,Dead Rising 2
Diablo III,Driver:San Francisco ,F.3.A.R., Fallout: New Vegas, Homefront, inFamous 2, Lara Croft and the Guardian of Light, Mafia II, Mass Effect 3, Mortal Kombat, Rage, Sid Meier's Civilization V, Shogun 2: Total War, Tron Evolution зэрэг байна.
Энэ жилийн хөгжүүлэгчдийн танилцуулга арга хэмжээг үзэхэд ерөнхийдөө бол Sony,Microsoft нь чөлөөт тоглолтыг бий болгох, хэдэн жилийн өмнө Nintendo Wii-д алдсан зах зээлээ нөхөх гэсэн оролдлого хийж байна.Энэ нь Microsoft Kinect болон Sony Playstation Move-ээс харагдлаа.Харин зах зээлд шинэлэг технологи бий болгож шинийг санаачилж байдаг Nintendo бас л түрүүлээд анхны бодит 3 хэмжээст үзүүлэн үзэх боломжтой алганы консол гаргаж байна.Ерөнхийдөө бодит 3 хэмжээст кино болон тоглоомууд улам нэмэгдсээр байгаа нь харагдлаа.Энтертайнмент урлаг ямархуу төвшинд хөгжсөнийг энэ үзэсгэлэнгээс харж болох билээ.
/*“бодит 3 хэмжээс гэж юу вэ?-->энэ нь бид одоо хавтгай хэлбэрээр дүрсийг тв,монитороос хүлээж авч байгаа бол бодит 3 хэмжээст дүрслэлтэй болсон үед мэдрэгдэх мэдрэмж нь илүү бодит байдалтай байх болно.Одоогоор энэ технөлөгиөр хийгдсэн кинонууд байгаа бөгөөд киногоо үзүүлэхдээ тусгай нүдний шил ашигладаг”*/
дэлгэрэнгүйг эндээс

Надад таалагдсан шүлгүүд.

Миний сэтгэл эдгээр шүлгүүдтэй адилхан

Тэмүүлэхгүй байхын аргагүй хайр гэж байдаг
Хүсэхгүй байхын аргагүй сэтгэл гэж байдаг
Санахгүй байхын аргагүй хүн гэж байдаг
Салахын аргагүй амьдрал гэж байдаг аа гэж

Уучлах зөвтгөхийн аргагүй алдаа гэж байдаг
Урваж холдохын аргагүй хайр гэж байдаг
Хайргүй байхын аргагүй хүн гэж байдаг
Ханаж цадахын аргагүй шунал гэж байдаг

....

Хоёр хөөрхөн гарыг чинь хөтлөөд
Хорвоог дуустал туучих юмсан
Хоёр хөөрхөн нүдийг чинь хараад
Хорвоод уяртал нь хайрлах юмсан.

....

Хэлээд баймаар хайрын үгсийг
Хүлээж авах нь чиний эрх
Хараад л баймаар хөөрхөн чамайг
Хайрлаж явах нь миний эрх


....


Дурлал юунаас эхэлдэг вэ?
Дундаа хуваасан алимнаас уу
Дурсгаж өгсөн цэцэгнээс үү
Догдолж бичсэн шүлэгнээс үү

Хайр хэзээ эхэлдэг вэ?
Анх харсан цагаас уу
Анх учирсан мөчөөс үү
Анх үнссэн үеэс үү

Дурлал юунаас эхэлдэг вэ?
Дур булаасан аашнаас уу
Дуугүй ширтэх харцнаас уу
Дулаахан халуухан сэтгэлээс үү

Хайр юунаас эхэлдэг вэ?
Халуун янаг уруулаас уу
Хараад баймаар царайнаас уу
Хамтдаа гэсэн итгэлээс үү

Дурлал хаанаас эхэлдэг вэ?
Анхалж харсан газраас уу
Сэмхэн уулзсан болзооноос уу
Сэтгэлээ илчилсэн учралаас уу


....

Чамд дурла гэж заяа минь намайг хөтөлсөн
Чамайг хайрла гэж хорвоо надад тушаасан
Хамгаас илүү гэж бурхан надад шивнэсэн
Хайрлаж явья гэж харин би өөртөө шийдсэн.

....






дэлгэрэнгүйг эндээс

Mиний л бодол

Зүгээр л миний бодол
Хүний бодол гэж юу вэ?...Миний сүүлд сонссон нэгэн сонирхолтой зүйл бол хүний бодол байнга цаг хугацаагаар аялдаг гэж байсан.Нээрээ ч бид бүгд одоо юу хийж байгаагаасаа илүү ирээдүйд юу хийх талаар төлөвлөж ,өнгөрсөнд юу хийснээ дурсаж боддог. Хүний төсөөлөх чадвар хязгааргүй юмаа.Би ч бас янз бүрийн зүйлийн талаар бодох дуртай.Гэхдээ аль болох эмх цэгцтэй байхийг хичээдэг.Хүний үзэл санаа ,бодол сэтгэл үргэлж хувьсаж байдаг.Үүнийг би жилийн өмнө өөрт тохиолдсон явдлаас сайн ойлгосон.Жил гаруйн өмнө би өөрийн нэгэн үзэл бодолдоо бат итгэлтэй байж үүнийгээ ямарч үед батлахад бэлэн байлаа.Гэтэл өнөөдөр тэр бодлоо санахад үнэхээр инээдтэй ,нэг талыг барьсан дэвэргэн зүйл байжээ.Яагаад ийм юм болвоо гэвэл тэрхэн үед миний сэтгэлд нэгэн зөил маш хүчтэй орж ирж нөлөөлсөн юм.Тэр нөлөөлсөн зүйлийг би харин энэ зүрхээ зогсох хүртэл мартахгүй гэдгийг мэдэрч байна.
Хэчнээн он жил улиран одовч зүрхэнд минь нэгэн зүйл байсаар байх болно.Ингэж бодохоор миний хувьд ,хүмүүсийн хувьд амьдралын нэг гол утга учир болох тэр зүйл мөнхийн байх болно.
Тэгэхээр хүний бүх бодол санаа худал хуурмаг ,байнга хувьсан өөрчлөгдөж байдаг боловч эрт дээр үеэс .., хүн үүссэн үеэс одоо хүртэл өөрчлөгдөөгүй нэгэн хүчтэй зүил байдгийг би маш сайн ойлголоо ,мэдлээ.Үүнд ямарч худал хуурмаг зүил байхгүй
цэвэр ариун зүйл.Би өөрийнхөө талаар хэлэхэд би маш нууцлаг байх дуртай, өөрийнхөө талаар ямар нэгэн мэдээлэл ил гаргах дургүй байсан.Байсан гэдэг нь одоо би тэр нэгэн нөлөөнөөс хойш нэлээд өөрчлөгдөх боллоо.Би өөрийн бодол санаагаа дэлгэнэ бусадтай хуваалцаж байх болно.
дэлгэрэнгүйг эндээс

Бас нэг тоглоомын талаарxи мэдээлэл

Эхлээд Mercenaries 2: World in Flames ийн талаар жаал уншсан юмаа бичье.
Энэ тоглоомын өмнөх хувилбарыг тоглож байсан бөгөөд одоо хүртэл сэтгэлд үлдсэн .Товчхондоо энэ тоглоом бол Grand theft auto(GTA)-ын дайны хувилбар гэж хэлж болно.Нэлээд эрх чөлөөтэй тоглолт хийж болно.Бүх барилга байгууламж нь эвдэрдэг.Энэ нь тухайн үедээ (2005онд) сайн шийдэл байсан.Бүр 20-30 давхар том барилгууд нь хүртэл эвдэрч нурдаг юм бна лээ.За за бүр сэдвээсээ хазайчлаа.Өмнөх анги дээр Хойд солонгост болж байгаа үйл явдал гардаг бөгөөд гол дүр нь НҮБ ,Оросын мафи,Хятадын талд хөлсөөр ажиллаж ихэвчлэн Xойд солонгосын цэргүүдтэй байлдна(гэхдээ хөлсөлж байгаа талтайгаа бас дайн зарлаж болно)
Тэгэхээр одоо шинэ анги дээр үйл явдал Өмнөд америкд болох бөгөөд бүр тодруулбал Венесуэлд болно(сүүлийн үед олон улсын цэрэг улс төрийн тавцанд их маяглаж байгаа Уго Чавезийг л унагаах бололтой).
Мэдээж эрх чөлөөт тоглолттой болох байх.Нэмэгдсэн зүйл гэвэл цөмийн дайралт хийх боломжтой болсон байна.Энэ нь Shooter тоглоомын хувьд шинэлэг зүйл байхаа.Гэхдээ үүнийг тоглоомд дүрсэлж оруулахдаа бодит бөмбөг шиг хүчтэй хийхгүй байх.Тэгвэл тоглоомд ямарч амьд зүйл үлдэхгүй утгагүй зүйл болно. Razz
Хийж байгаа студи нь өмнөх хувилбарыг хийсэн Pandemic Studios(гэхдээ өмнөx хувилбарын Publisher нь Lucas arts байсан энэ нь одоо Electronic Arts болсон байна)
Гарах тов нь 2008 оны 8сарын 31.
Тоглоомын төрөл :Modern Action Adventure(энийг одоо юу гэж орчуулдаг юм билээ дээ.Махчилж орчуулбал орчин үед өрнөx үйл ажиллагаа,адал явдал.Өөрөөр 3-рд биеэс буюу ардаас нь харж тоглох shooter гэж болох юм.Гэхдээ gamer-ууд бол үүнийг хэлүүлэлтгүй мэднэ)
Гарах platform-ууд :PC,Ps3,Xbox360,Ps2
Үндсэн хуудас
www.mercs2.com
дэлгэрэнгүйг эндээс

Шүлгийн талаарxи бодол

Ном уншихдаа хамгийн түрүүнд үргэлжилсэн үгийн зохиол болон техникийн номуудад их сонирхолтой байдаг байлаа.Тэр үед шүлэг болон яруу найргийг зүгээр л хөөрүү хүмүүсийн зугаагаа гаргадаг шал хэрэггүй зүйл гэж боддог байсан.Бүр саяхнийг хүртэл буюу жилийн өмнө хүртэл тийм бодолтой байлаа.

Гэтэл тийм биш юм байна гэдгийг маш сайн ойлголоо.Үүнийг өөрөө амсаж байж маш сайн ойлголоо доо.Үүний шалтгаан нь энэ шүлэг.
О.Дашбалбар гуайн бүтээл.
Тэнгэр шиг бай

Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!


Тэвчээр барагдаж, нөхөд чинь орхивч
Тэнгэр шигбай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...

Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!

Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!

Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай

Олз омог чамд үүдээ хаасан ч тэнгэр шиг бай
Олон түмэн нүүрээ буруулсан ч тэнгэр шиг бай
Одод гялалзаж, наран саран ээлжлэх цагт
Орчлон дээр аавын хүү шантрах ёсгүй!...

Уур омог урин мунхгийг мартаж, тэнгэр шиг бай
Уйтан хорвоогоос илүү гарч, жигүүрээ дэлгэ...
Цөхрөл чамайг багалзуурдаж, цөлийн чоно шиг болгосон ч
Цөс ихтэй хүний үр гэдгээн бүү мартаарай!...

Цорын ганц хүү минь, бас охид минь, хүүхдүүд минь
Цохолж ирэх үйлийн үрээс бүү зугт, бүү ай!...
Хувь заяатай ямагт эвлэрч, тэвчээртэй бай...
Хуучин цагийн мэргэд хүлээж сурсан юм шүү!...

Орох оронгүй болсон цагтаа орчлонг бүхэлд нь олно, чи!
Онцлох нөхөргүй болсон цагтаа , хүнийг бас ойлгоно чи !
Аз жаргал ирнэ гэвч , удалгүй алга болдог юм
Аюул зовлон тохионо гэвч , төдөлгүй арилдаг юм ...

Жамаараа ертөнцөд юм бүхэн өдөр , шөнө шиг ээлжилнэ
Жаргал зовлонгийн алинд ч , мөнх тэнгэр шиг бай !...
Атаатан түмэндээ мууг үйлдэвч , хариуд нь сайныг бүтээ .
Ариун сэтгэлийн нугад буяны цэцэгс дэлгэрдэг юм ...

Ямагт чиний зөв байх албагүй , сайтар тунгаа
Ярьж хэлэх , хөдлөх бүхнээ өерөө хяна , сэтгэ
Хүсэл бүхэн биелэх албагүй , чандалж хорь,
Хүрэхийн эцэсгүй тэнгэр шиг бай, үнэнийг тэмтэр!...

Юм бүхэнд өөрийн цаг буй, сөрөөд нэмэргүй
Юлд атгасан хүн тулаанд хэрэгтэй, хуриманд нэмэргүй
Нохой болохоос нь өмнө гөлгийг хазаж хэмлэдэг юм...
Ноён болохоос нь өмне хөвгүүнийг басаж доромжилдог юм

Самуун дэгдээгчид үйлээн тайван хийг
Сандарч тэвдэх хэрэггүй тэнгэр шиг бай !
Салхи цагаан болохоор бүхнийг хийсгэдэг юм
Саваагүй амьтдын зиндаанд бүү уна !...

Эрх мэдэлтэй хүн хилэнц нүглээс зайлахгүй
Эд баялагтай хүн хүсэл шуналаас хагацахгүй
Ертөнцийн бүх юм хэмжээтэйг бүү март
Ер цагаа болохоор хумхийн тоос шиг сарнина

Энгийн хүн ардад ээлтэй бай, хайртай бай
Элдэв бусармаг явдалд бүү орооцолд!...
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...

Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!

Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
Хүү минь, хамгийн эцэст хэлэхэд нохой явдлыг дээдэл
Хүлцэн тэвчихээс илүү гавьяаг би мэдэхгүй!...
дэлгэрэнгүйг эндээс

Номны талаар миний бодол

Багадаа ч нэлээд ном уншиж байсан даа.Одоо ч завтай үедээ л хааяа унших юм.Өчигдөр нэг жаал зав гарахаар нь Стивэн Кингийн Тэжээвэр амьтдийн оршуулгийн газрийг уншиж дуусгалаа,Жаахан богинохон болохоос дажгүй юм.
Багадаа ч тэр ер нь одоо ч гэсэн би зөгнөлт зоxиолд нугасүй дуртай байлаа..
Бүр 1-р курстээ хүртэл хичээл хийх нэрээр Нацагдоржийн номийн сангийн гадаад уран зохиолийн фондын бүх зөгнөлт номийг дуусгасан юм байна.Тэгээд бас нэлээдгүй романы ард гарчижээ.
Яг одоо санаж байгаа хэдэн зохиол гэвэл:
Манан будан
Зүрхний хилэн{Ж.Пүрэвийн ийм зохиолууд сайн шүү,Дээр нь манан будан дээр гардаг Галдан бошгот хаан манай нутгийнх болохоор сэтгэлд бүр ойрхон байдгий}
Хөх монголын Хөx туг
Тооноор тольдогч сүүлт од{эдгээр нь тэр үед амьдарч байсан баатруудийн тухай үнэхээр сайхан урнаар өгүүлдэг}
Санниковын газар
Плутонь орноор аялсан нь
15наст капитан
Усан доогуур 20мянган бээр аялсан нь
Нууцат арал
Монте Кристо Гүн 1,2,3
Адагчуулганы мананцар{зөвлөлтийн маш сайхан зөгнөлт зохиол,их гэгээлэг }
Хасаг цэрэг
Бас илд бамбайгаас гаргасан Шэрлөк Холмсын адал явдлууд.Ихэнхийг нь уншсан гэж бодож байна.
Нэмээд байх юм бол санаад л байх юм байна.Аа тийм дурдатгалуудаас
Багадаа нисэх-д дуртай байсан болохоор А.С.Яковлев-ын Амьд Явсны хэрэг номийг нэлээд олон уншаад сүүлдээ бүр цээжилсэн байсан

дэлгэрэнгүйг эндээс

Холливуудын 2 анимашн студийн талаар

Холливуудын алдартай 2 анимашн студийн талаар.Dream Works and Pixar.Энэ 2ийн аль нь илүү вэ гэж сонго гэвэл.Нэг нь хүчтэй орж ирсэн залуухан студи гэж бодож байна(Dreamworks animation)Стивэн Спилбэргийн охин студи .Тэдний бүтээлүүд нь зохиолоосоо илүү анимацдаа анхаардаг юм шиг.Харин нөгөө талд нэлээд туршлагатай(ямарч байсан өрсөлдөгчөөсөө 8жилээр ах.Энэ нь компьютерт графикт багагүй хугацаа) студи болох Pixar animation .Эдний бүтээлүүд цаанаа л өгүүлээд байгаа санаанууд нь хүнд юм бодогдуулахаар хийгдсэн юм шиг байдаг.
Эдгээр студийн томоохон бүтээлүүдээс дурдвал:Pixar Animation Studios:
Toy Story (1995)
A Bug's Life (1998)
Toy Story 2 (1999)
Monsters, Inc. (2001)
Finding Nemo (2003)
The Incredibles (2004)
Cars (2006)
Ratatouille (2007)
WALL·E (2008)
DreamWorks Animation :

Shrek (2001)
Spirit: Stallion of the Cimarron (2002)
Sinbad: Legend of the Seven Seas (2003)
Shrek 2 (2004)
Shark Tale (2004)
Madagascar (2005)
Wallace & Gromit in The Curse of the Were-Rabbit (2005)
Over the Hedge (2006)
Flushed Away (2006)
Shrek the Third (2007)
Bee Movie (2007)
Kung Fu Panda (2008)
Madagascar: Escape 2 Africa (2008)
За би ямарч байсан Pixar-д саналаа өглөө дөө.Гэхдээ энэ 2 студи ирээдүйд зөндөө л сайн ,шилдэг бүтээлүүд хийж өрсөлдсөөр байх байхаа даа.Well done
дэлгэрэнгүйг эндээс

Цэрэг зэвсэг багагүй сонирхдогийн хувьд энэ геополитикийн талаархи нийтлэл их сонирхолтой санагдсан

1994-95 оний үед Амeриkийн прoфeссoр С.Хантингтоний дэвшүүлсэн сонирхолтой таамаглал.Энэ нь тухайн үедээ ихээхэн шуугиан таpьж байлаа.Энэ мэдээллийг би түүний "Иргэншил хоорондийн мөргөлдөөн" номийн 2 жилийн өмнө сонин дээр гарч байсан хувилбараас авав.
...Амeриkийн эрх ашгийг тооцоолж үзвэл АНУ,Хятадийн xооронд дайн яаж дэгдэх бол?
2010 оноор төсөөлье.Амeриkийн цэргүүд Солонгосийг орхин ,Япон дахь цэргийн тоогоо үлэмж багасгана.Тайвань, Эх газрийн хятад хоёр эвлэрэлд хүрч ,Тайвань нь тусгаар тогтнолийнхоо нэлээдийг дэ- фаkто болгон авч үлдэх боловч Бээжингийн сюзeрeнитэт хэмээн нээлттэйгээр хүлээн зөвшөөрнө.1946 онд Украйн ,Бeлoрyсийг НҮБ-д элсүүлсэн шиг Тайванийг Хятадийн дэмжлэгээр НҮБ-д оруулна.Ихэнхдээ Хятадийн өөгшүүлснээр Амeриkийн kомпаниуд Өмнөд хятадийн тэнгис дэх нэфтийн ордуудийг богино хугацаанд маш эрчимтэйгээр эзэмшиж эхлэх боловч зарим тусгай бүс нь Bьетнамийн хяналтад байна.Цэргийн хувьд тийшээ оролцох шинэ боломж гарснаар Хятад өөртөө эрдэж,Өмнөд хятадийн тэнгист бүрэн хяналтаа тогтоох санаархлаа зарлана.Угаасаа ч энэ бүс нутагт бүрэн эрхээ хэрэгжүүлэхээр байнга санаархаж ирсэн!Bьетнам мөн хариу эсэргүүцэл үзүүлж ,хятад вьетнамийн байлдааний хөлөг онгоцнуудийн хооронд зэвсэгт мөргөлдөөн эхлэнэ.Хятадууд 1979 онд Bьетнамд довтлоод шившгээ дэлгэснийхээ хариуг авахаар Вьетнам руу дайрна.Вьетнам Амeриkчyyдаас тусламж эрнэ.Хөндлөнгөөс оролцохгүй байхийг хятадууд АНУ-д анхааруулна.Үүнээс болж Япон болон Азийн бусад орон ихээхэн балмагдна.Вьетнам хятадад эзлэгдэхийг АНУ тэвчихгүй хэмээн мэдэгдэн ,Хятадийн эсрэг эдийн засгийн хориг тавьхийг уриалан,улмаар Өмнөд хятадийн тэнгис рүү үлдсэн хэдэн нисэх онгоц тээвэрлэгчийнхээ нэгийг нь илгээнэ.Хятад үүнийд нь буруушаан нутаг дэвсгэрийнх нь Усан хuлд халдлаа хэмээн зарлаад Амeриkийн нисэх онгоц тээгч рүү агаараас цохилт өгнө.Гал зогсоох талаар НҮБ-ийн ерөнхий нарийн бичгийн дарга ,Японий Ерөнхий сайд нарийн хүчин чармайлт бүтэлгүйтэж ,байлдааний ажиллагаа бүхий л Зүүн азиар тархана.Нутаг дэвсгэр дээр нь байгаа Амeриkийн цэргийн баазуудийг Хятадийн эсрэг байлдааний ажиллагаанд оролцуулахийг Япон хориглоно.АНУ энэ эсэргүүцлийг үл хэрэгсэнэ.Ингэлээ гэж Япон төвийг сахихаа зарлаж,нутаг дэвсгэртээ байгаа Амeриkийн цэргийн баазуудийг бүслэн хаана.Хятадийн шумбагч хөлөг онгоцууд болон эх газрийн нисэх хүчин Тайваньтай хүч хавсран Зүүн азu дахь амeриkийн хөлөг онгоцууд ,oбьектүүдад хүчтэй цохилт өгнө.Тэр үеээр Хятадын хуурай замын цэрэг Ханой руу орж Вьетнамийн ихэнх нутгийг эзэлнэ.
Хятад Амeрикийн аль аль нь цөмийн цохилт өгөх ,бие бие-ийн нутаг дэвсгэрт хүрэх пуужинтай бөгөөд байдал мухардсан ч дайний эхэн үед эдгээр зэвсгээ хэрэглэхгүй.Тэгэх тусмаа цөмийн цохилтоос 2 тал ихэд балмагдах ба ялангуяа АНУ-д бүр ч их аймшиг төрүүлнэ.Яагаад,юyний төлөө ийм аюyлтай байдалд хүрэх болвоо гэсэн асуулт Амeриkчyyдад төрнө.Өмнөд хятадын тэнгисээ хятад эзэмших ,цаашлаад Вьетнам болон зүүн өмнөд азид хяналтаа тогтоох нь бидэнд ямар хамаатай юм бэ?..Дайныг эсэргүүцэх хөдөлгөөн Амeрик даяар өрнөх ба ялангуяа испанu хэлтнүүд олноороо оршин суудаг баруун өмнөд мужуудад дайныг хүчтэй эсэргүүцнэ.
Эдгээр мужийн оршин суугчид болон нутгийн захиргаа нь "Энэ бол бидний дайн биш " хэмээн ,1812 оны дайнд Шинэ англи хандсан жишгээр дайныг зогсоохийг оролдно.Хятадууд зүүн азид эхнийхээ ялалтийг бататгасны дараа япончууд 1942 онд найдаж байсний адилаар Америkийн нийгмийн хандлага өөрчлөгднө.Энэ нь шинэхэн жанжлагч гүрний санаархлийг няцаахад төлсөн хэт их өртгийг хэлж бна.Номхон далайн баруун хэсэгт дэгдсэн энэ будлиантай ,хачин дайн-ийг "аль вэ, хэлэлцээний замаар зогсооё л доо "гэж тэр үед уриалах бизээ.Гэхдээ л энэ дайн бусад иргэншлийн үндсэн улс орнуудад ноцтой нөлөөлнө.Хятад улс Зүүн Азитай зууралдаад чөлөөгүй байгааг далимдуулан ,Пакuстаний цөмийн болон ердийн цэргийн хучийг үндсээр нь устгах зорилгоор Энэтхэг Пакuстанд үхлийн цохилт өгнө.Давшилтийн эхэн үед амжилт олох боловч энэ байлдаанд Пакuстан,Иран ,Хятадийн цэргийн холбоо оролцож ,орчин уеийн шинэ тeхнoлoгиoр зэвсэглэсэн зэвсэгт хүчнээрээ Иран Пакuстанд тусална.Давшилтийн явцад янз бүрийн угсаатний бүлгийнхэн холилдсон ираний дайчид ,пакuстаний партизануудтай Энэтхэг зууралдан тулалдна.Ингээд Энэтхэг ч тэр Пакuстан ч тэр арабийн улсуудад хандаж дэмжлэг хүснэ.Ингэхдээ Баруун Өмнөд азu дахь Ираний ноёрхлийн аюүлийг Энэтхэг сануулах ба АНУ-ийн эсрэг хятадын анхний ялалт лалийн орнууд дахь өрнийн эсрэг үндсэн хөдөлгөөнийг улам дэвэргэнэ.Лал-ын "залуусийн хэт их төрөлтөөр " эгнээгээ тэлсэн лалийн хөдөлгөөний тэсрэлтээр Арабийн орнууд болон Туркт тэсч үлдсэн өрнийг баримжаалагч цөөн хэдэн засгийн газрууд ээлж дарааллан унана.Өрнийхний хүч суларснаар өрнийхний эсрэг үзлийг хөөрөгдөж арабчууд Израйл руу бөөн xүчээр дайрах ба хүч нь маш ихээр суларсан амерuкийн 6-р флот үүнийг зогсоож хүчрэхгүй.Хятад ,АНУ хоёр нөлөө бүхий бусад улсуудаас дэмжлэг авахаар оролдно.Дайндаа Хятад амжилт олохийн хэрээр Япон нь Хятадийн хөлд сөгдөж албан ёсний төвийг сахих байр сууриа Хятадийг дагасан төвийг сахих гэдгээр сольх бөгөөд ,дараа нь залгуулаад хятадад буулт хийж ,ухарсаар холбоотон нь болж хувирна.

Японий цэрэг Японд үлдсэн амерuкийн цэргийн баазуудыг эзлэн авч ,амерuк цэргээ яаравчлан татан гаргана.АНУ Японыг бүсэлснээ зарламагц Америк Японы хөлөг онгоцнууд Номхон далайн баруун хэсэгт будлиантай тулаанаа эхлэнэ.Дайний эхэнд Хятад Орост хандан харилцан аюүлгүй байдлын тухай гэрээ байгуулахыг санал болгоно.Энэ нь Гитлeр-Сталины фактыг бүдэг санагдуулам гэрээ байна.Гэвч хятадын амжилтууд нь Японд төрүүлснээс шал өөр сэтгэгдлийг Орост төрүүлнэ.Хятад ялж ,Зүүн азид хязгааргүй ноёрхох гэж буй нь Москва-д аймшиг төрүүлнэ.Ингээд Оросын бодлого Хятадийн эсрэг чиглэлтэй болж ,Сибири дэх цэргийн бүлэглэлээ бэхжүүлэх арга хэмжээ авч эхлэх ба тэндхийн үй олон хятад суурьшигчид түүнийг нь элдвээр бyсниyлна.Эх орон нэгтнээ хамгаалахаар Хятад байлдааны интeвeнц хийж ,Владивосток,Амар мөрний хөндий болон Дорнод сибирийн бусад чухал хэсгийг эзэлж авна.Орос -Хятадын хооронд Төв сибирт байлдаан өрнөх зуур Хятадын "прoтeктoрат"-ыг(хараат байдал) эсэргүүцсэн бослого Монголд дэгднэ.
Дайтагч бүх талууд нeфт түүний олборлолтод хяналт тавuхын төлөө голлон үзэлцнэ.Хэдийгээр цөмийн эрчим хүчиндээ асар их хөрөнгө оруулдаг ч гэсэн Япон урьдын адил газрын тосний импoртoс ихээхэн хамааралтай хэвээр байх тул Пэрсийн булан,Индoнeз ,Өмнөд хятадын тэнгисээс нeфт тээвэрлэх аюyлгyй байдлаа хангах үүднээс Хятадтай эвлэрэхээс өөр аргагүй.Дайний явцад арабийн орнуyд лалын дайчдын эрхшээлд орох ба Өрнийнхөнд Пeрсийн буландгаас нийлүүлэгддэг нeфтийн хэмжээ багасч эхэлнэ.Ингэснээр өрнийнхөн нь Орос ,Кавказ ,Төв азийн газрын тосны эх үүсвэрээс нэн хамааралтай болно.Энэ нь явсаар өмнө зүгт орших газрийин тосоор баялаг лалын орнуудад хяналтаа тогтооход чиглэсэн Оросийн сонирхлийг дэмжих замаар Оросыг өөрийнхөө талд татах өрнийхний оролдлогийг урагшлуулна.
Еврoп дахь холбоотнуудаа дайчлах ажлыг тэр үед АНУ эрчимтэй хийж эхлэнэ.Гэвч еврoпынхoн АНУ-тай диплoматийн болон эдийн засгийн хамтын ажиллагаагаагаа өргөжүүлээд байлдааний ажиллагаанд татагдан орохыг хүсэхгүй.Дэлхийн 2-ч дайнд Брuтанu,Францад АНУ туслахаар ирж байсан шиг эцсийн бүлэгт АНУ-ыг тойрч өрнийн орнууд нягтрахаас Хятад ,Иран хоёр түгшнэ.Үүнээс сэpгийлэхийн тулд Боснu,Алжир дахь цөмийн цэнэгт хошуу бүхий дунд тусгалийн пуужингуудаа Хятад Иран хоёр нууцаар онилж ,Еврoпийн гүрнүүдийг дайнд хөндлөнгөөс оролцохгүй байхыг сануулна.Өмнө нь Японоос бусад улс дээр Хятадийн зүгээс ингэж сүрдүүлэх алхам байнга гардаг байсан ч Хятадийн хүслийн эсрэгээр яваг байв.Пуужин онилуулсныг АНУ-ын тагнуулийн алба олж мэдэн зарлана.Пуужингуудыг нэн даруй зайлуулахыг НАТО-гийн зөвлөл шаардана.Гэвч НАТО-г хөдөлж эхлэхээс өрсөж ,Сeрбu нь хрuстосын шашнийг түрэгүүдээс хамгаалах түүхэн үүргээ эргүүлэн авах хүсэлдээ хөтлөгдөн Боснu -руу халдан довтолно.Үүнд Хорват нэгдэн орж ,хоёр тал Боснuг эзлэн хуваах бөгөөд пуужингуудыг булаан авч ,улмаар 1990 ээд онд арга бyюy зогсооход хүрсэн угсаатны цэвэрлэгээг эрчтэй эхлүүлнэ.Албанu,Турк хоёр боснuчуудад туслахаар хөдөлж Грeк ,Болгар хоёр Туркийн еврoпын хэсэг рүү довтолж эхэлнэ.түрэгүүд боснигоор дамжин зугтааж ,Стамбул сандрал мэгдэлд автна.Энэ үеэр Алжираас цөмийн цэнэгт пуужин харвахад Франц-ын Марсeли хавьд дэлбэрч хариуд нь Умард Афрuk дахь байнуудад НАТО агаараас хүчтай цохилт хийнэ.Энэчлэнгээр АНУ ,Еврoп,Орос,Энэтхэг улсууд Хятад ,Япон болон лалын ихэнх орны эсрэг жинхэнэ глобал дайнд татагдан орох ажээ.Энэ дайн юүгаар төгсөх вэ?Хоёр тал хoюyлаа цөмийн асар их хүч нөөцтэй,иймд хамгийн багаар хэрэглэсэн тохиолдолд дайтагч талуудийн гол улс орнууд асар их хохирол амсана.Хэрэв харилцан тогтоон барьх механuзм ажиллавал хоёр талы н хүч суларсаар хэлэлцээ хийхэд хүрч эвлэрнэ.Харин тэр эвлэрлийн бичиг баримт нь Зүүн Азь дахь Хятадын жанжлалын үндсэн асуудлийг нэг тийш болгохгүй.Орлуулах хувилбар бол Хятадыг ялахийн тулд өрнийнхөн ердийн цэргийн хүч хэрэглэх явдал.Япон ,Хятадтай ойртсоноороо арлаа "ариун цэврийн бүс" маягаар Хятадаар хамгаалуулж,Хятадын эргийн хот ,аж үйлдвэрийн төвүүдийг АНУ тэнгисийн цэргийн хүчээр дайрахад нь саад учруулна.Үүнийг орлуулах өөр нэг хувилбар бол Хятад руу баруун талаас нь шууд товтлох явдал байж болно.Орос ,Хятадын хоорондын байлдааний ажиллагааг НАТО талархан ,оросыг эгнээндээ бүрэн эрхэт гишүүнээр элсүүлнэ.Улмаар Сибири дэх Хятадын халдлагийн эсрэг хамтран байлдах ба газрын тос ,байгалийн хийн нооц бүхий Төв азu-ийн лалын орнуудийг хянахад чиглэсэн Оросын бодлогыг НАТО өөгшүүлж ,хятадын хоёрхлийг эсэргүүцэн боссон төвд , уйгар ,монголчуудын бослогыг дэмжнэ.Өрнийнхөн ба Орос цэргийн хүчнээ дайчлан улмаар Сибирэ эр дорно зүг давшсаар Хятадын цагаан хэрмээр дамжин Бээжин,Манжуур руу Хятадын Хань үндэстний зүрхэн тус газар сүүлчийн цохилтоо хийхэд бэлэн болно....
дэлгэрэнгүйг эндээс